Arweinwyr Cymdeithasol Cymru: Arweinydd Cymunedol Rhyl

Dewch i ddarganfod a datblygu’r sgiliau a’r ymddygiadau sylfaenol a all sicrhau llwyddiant ar lawr gwlad, ar lefel gymunedol. Dewch i adnabod eich hun, eich pwrpas unigryw, a’r effaith rydych chi’n ei chael ar eraill. Dewch hefyd i wella’ch sgiliau cyfathrebu a pherthnasoedd, ac i ddysgu sut i atal cyfnodau o chwythu plwc a gorbryder i chi eich hun a’ch timau. Gyda’r sgiliau hyn a rhwydwaith cefnogol, bydd y rhaglen yn eich grymuso i ddatblygu’n arweinydd ffres, ystwyth a chydnerth, er mwyn ymdopi â’r argyfwng costau byw.

Rhowch hwb i’r hyder sydd gennych yn eich gallu i arwain er mwyn datblygu ac ehangu prosiectau/sefydliadau ac, yn y pen draw, i gael effaith. Byddwch yn dechrau datblygu i fod yn arweinydd hunanweithredol gyda’r hyder a’r cydnerthedd i lywio sefyllfaoedd cymhleth, ansicr a newidiol.

Dyma gyfle i gwrdd ag arweinwyr cymunedol eraill a datblygu rhwydwaith cryfach o gymheiriaid cefnogol. Mae meithrin perthynas â’ch carfan yn eich galluogi i greu gweledigaeth gydgysylltiedig a all ysbrydoli ac ysgogi eraill. Mae carfannau’r gorffennol wedi canfod bod y gefnogaeth y maen nhw’n ei derbyn gan eu cymheiriaid yn ystod ac ar ôl y rhaglen yn hanfodol yn eu taith tuag at ddod yn arweinydd gwell. Rydyn ni’n eich annog i feithrin cysylltiadau cryf gyda’ch cymheiriaid er mwyn cael cyngor, arweiniad a chyfeillgarwch am flynyddoedd i ddod.

Ewch i'r afael â'r heriau rydych chi'n eu hwynebu ar hyn o bryd yn eich sefydliad neu eich cymuned gydag atebion ymarferol a fydd yn para.

Cwrs dysgu hybrid, chwe wythnos o hyd, sy’n defnyddio model o hunanystyried i arwain cyfranogwyr drwy elfennau craidd datblygu arweinwyr cymdeithasol. Byddwch yn dechrau gwaith ar Gynllun Datblygu Arweinydd y byddwch yn ei ddatblygu drwy gydol y rhaglen a’i holl elfennau. Cewch wedyn gadw’r cynllun i barhau i ddatblygu fel arweinydd. Am fwy o wybodaeth ynglŷn â’r rhaglen hon, cliciwch  yma.

Bydd Gweithdai Arweinyddiaeth yn darparu sesiynau â ffocws, rhyngweithiol wedi'u cynllunio i fireinio sgiliau arweinyddiaeth a galluoedd y grŵp Arweinydd Cymunedol. Mae'r gweithdai hyn yn cynnig mewnwelediadau gwerthfawr, adnoddau ymarferol, a strategaethau i ddatblygu arferion arwain effeithiol. Bydd y gweithdai'n cael eu teilwra i anghenion arweinyddiaeth penodol a phwysicaf eich carfan, a bydd yn ymdrin ag amrywiaeth o bynciau fel cyfathrebu, gwneud penderfyniadau, deallusrwydd emosiynol, a meddwl strategol, gan roi'r sgiliau angenrheidiol i arweinwyr fel y gallant lywio heriau cymhleth y sector cymdeithasol.

Bydd y Cylchoedd Dysgu Cymheiriaid yn gyfle i archwilio’  cynnwys y modiwlau yn fanylach a chewch eich gwahodd i ddefnyddio'r gofod hwn i rannu’ch dysgu, eich myfyrdodau a’ch mewnwelediadau personol ynghylch sut rydych chi'n cymhwyso'r galluoedd hyn i’ch gwaith a'ch arweinyddiaeth eich hun gyda chymheiriaid eich carfan. Mae'r gofod cylch dysgu cymheiriaid wedi'i gynllunio i ymgorffori'r syniad bod 'Arweinwyr yn meithrin
Arweinwyr’.

Mae'r system proffilio personoliaeth bwerus hon yn rhoi portread unigryw o bwy ydych chi, gan eich helpu i gynyddu eich hunanymwybyddiaeth, datgelu potensial cudd a'ch helpu i ddeall sut rydych chi'n ymddwyn o dan bwysau. Mae hyn yn cynnwys sesiwn hyfforddi diwrnod llawn.

Caiff y rhaglen ei llywio’n drwm gan gyfranogwyr, a’r newid y maen nhw am ei greu yn eu cymuned. Ar ddiwedd y rhaglen, bydd y garfan yn cael ei dwyn ynghyd ar gyfer yr ‘Hacathon’ yn y cnawd. Bydd pawb yn gweithio gyda’i gilydd tuag at y newid cadarnhaol y maen nhw’n ceisio ei greu fel carfan.