Social Leaders Cymru Cymraeg

Social Leaders Cymru

Arweinwyr Cymdeithasol Cymru - Dyddiadau amrywiol 2024 a 2025

Hyfforddiant arweinyddiaeth ar-lein ac wyneb yn wyneb i arweinwyr cymdeithasol yng Nghymru. Mae'r rhaglen yn cefnogi arweinwyr mentrau gwirfoddol, cymunedol a chymdeithasol ar bob cam o’u taith arweinyddiaeth.

Am ddim

Cofrestrwch i gael diweddariadau

Gweld pob rhaglen

Cyfres Arweinwyr Cymdeithasol Cymru
Ein dulliau
Cwestiynau Cyffredin
ENGLISH

Gwybodaeth am y rhaglen

Mae Arweinwyr Cymdeithasol Cymru yn bartneriaeth rhwng Cwmpas, Clore Social Leadership a Chyngor Gweithredu Gwirfoddol Cymru ac rydyn ni’n falch o fod yn bartner cyflawni ar gyfer y rhaglen unigryw hon yng Nghymru.

Gan ddatblygu ar y dysgu o'r prosiect peilot yn 2021/2022 bydd y rhaglen newydd hon yn:

datblygu arweinwyr ledled Cymru a fydd yn ysbrydoli'r genhedlaeth nesaf ac yn galluogi'r trydydd sector i ffynnu
ymgysylltu ag arweinwyr o gefndiroedd amrywiol
annog cydlyniant a chydweithredu cymunedol

Mae'r rhaglen yn cynnig cyfleoedd hyfforddi ar-lein ac wyneb yn wyneb i gyfranogwyr ledled Cymru a bydd yn cefnogi dysgu gan gymheiriaid ac yn cryfhau rhwydweithiau.

Bydd Arweinwyr Cymdeithasol Cymru yn dod ag arweinwyr o bob rhan o Gymru at ei gilydd i gefnogi, herio a dysgu gan ei gilydd.

Mae'r rhaglenni wedi'u cynllunio i ymestyn sgiliau presennol arweinwyr er mwyn iddynt ddod yn fwy hyderus, wedi’u grymuso ac yn gydnerth, gan gefnogi arweinwyr i wneud gwahaniaeth cadarnhaol yn eu cymunedau.

Bydd y rhaglen yn cynnwys pum rhaglen ddysgu, er mwyn sicrhau cyfleoedd datblygu arweinyddiaeth wedi'u teilwra ar gyfer arweinwyr o bob lefel a phrofiad.

Ymunwch â ni ar gyfer ein gweminar ddydd mercher 16 Hydref 12.30 – 13.30 i gael gwybod mwy am y rhaglenni, i gwrdd â'r tîm a chael ateb i'ch cwestiynau. Rydym yn edrych ymlaen at eich gweld chi yno! .

Gyda diolch arbennig i ariannwr y rhaglen, Cronfa Gymunedol y Loteri Genedlaethol, am y cyfle i gyflwyno'r rhaglen hon am ddim yng Nghymru.

Manylion y Cwrs

Darperir yn Saesneg
Dyddiadau amrywiol
Pob lefel o brofiad
Am ddim

Nodweddion y Cwrs

Rhaglenni lluosog
Unigryw i'r sector cymdeithasol yng Nghymru
Dysgu a chefnogaeth gan gymheiriaid
Alumni Clore Social

Partners & chyllidwyr

Cefnogir y prosiect gan Grŵp Cynghori ar Brosiect y mae ei aelodau'n adlewyrchu amrywiaeth a chyrhaeddiad y sector - sy'n arwydd o'r effaith rydyn ni am i'r rhaglenni ei chael. Rôl y grŵp Cynghori yw helpu i lunio'r rhaglen er mwyn ei gwneud yn berthnasol ac yn effeithiol i'r sector cymdeithasol yng Nghymru.

Rydyn ni hefyd yn ddigon ffodus i fod yn gweithio gyda chyfarwyddwyr rhaglenni yng Nghymru, sydd hefyd yn cefnogi datblygiad y rhaglenni ac a fydd yn arwain holl weithgareddau'r rhaglen.

Social Leaders Cymru series

Ein dulliau

Bydd Fframwaith Galluoedd Cymdeithasol a Model Datblygu Arweinyddiaeth Clore Social Leadership yn llywio dysgu’r rhaglen. Trwy ddefnyddio ein Model Datblygu Arweinyddiaeth (isod), byddwch yn dysgu sut a pha olwg sydd ar y sgiliau a’r ymddygiadau hyn ar waith, lle mae eich cryfderau a’ch meysydd i’w gwella, a sut y gallwch eu datblygu a’u hannog ynoch chi’ch hun ac eraill. Trwy ddefnyddio ein Fframwaith Galluoedd Cymdeithasol (isod), cewch eich arwain i ddatblygu galluoedd arwain hael, angerddol, dewr, â ffocws, sy’n ysbrydoli ac yn grymuso – rhinweddau hanfodol i unrhyw arweinydd effeithiol.

Fframwaith Galluoedd Arweinyddiaeth Gymdeithasol

Mae bod yn arweinydd cymdeithasol a moesegol yn galw am alluoedd penodol. Mae’r Fframwaith Galluoedd Arweinyddiaeth Gymdeithasol yn amlinellu’r priodweddau, yr ymddygiadau a’r sgiliau y mae eu hangen ar gyfer arweinyddiaeth lwyddiannus yn y sector cymdeithasol. Mae’r Fframwaith Galluoedd yn dangos sut a pha olwg sydd ar y sgiliau a’r ymddygiadau hyn ar waith. Mae cael fframwaith yn galluogi arweinwyr i fyfyrio ac asesu’u sgiliau presennol. Mae’n rhoi’r grym iddynt amlygu bylchau mewn arweinyddiaeth a chynllunio’u datblygiad personol a phroffesiynol eu hunain.