Social Leaders West Wales Cymraeg- Clore Social Leadership

Gwybodaeth am y rhaglen

Nod rhaglen Arweinwyr Cymdeithasol Gorllewin Cymru yw datblygu a chryfhau arweinwyr mewn cymunedau bywiog, sy’n aml heb ddigon o adnoddau, yng Ngheredigion, Sir Gaerfyrddin a Sir Benfro. Efallai eich bod chi’n arweinydd yn eich cymuned, eich gweithle, neu drwy brofiad byw. Os ydych chi wedi cefnogi pobl, cyflawni prosiectau, neu eiriol dros newid, rydych chi’n arweinydd a bydden ni wrth ein bodd yn clywed gennych.

Cynhelir y sesiynau yn y cnawd yng Nghaerfyrddin, gan gynnig lle canolog a hygyrch i gyfranogwyr ledled y rhanbarth. Cynhelir hefyd encil preswyl i arweinwyr dros ddwy noson yng Cardigan, gan ganiatáu i gyfranogwyr fyfyrio, creu cysylltiad dwfn, a dysgu gan gymheiriaid mewn lleoliad cefnogol, llawn egni.

Ein cenhadaeth yw democrateiddio arweinyddiaeth drwy wneud cyfleoedd datblygu yn hygyrch i bob arweinydd cymdeithasol yn y DU, gan weithio tuag at gymdeithas decach a mwy cyfartal. Fel rhan o’r ymrwymiad hwn, cefnogwn arweinwyr o gefndiroedd amrywiol sydd â phrofiadau byw, a byddwn yn sicrhau bod elfennau ein rhaglen yn adlewyrchu hyn. Rydyn ni am gael gwared ar gynifer o rwystrau â phosibl i’ch cefnogi i fanteisio ar y cyfle hwn. Os oes angen unrhyw addasiadau rhesymol arnoch chi, neu ar gyd-weithiwr, anfonwch e-bost aton ni.

Mae’r rhaglen hon wedi’i hardystio gan y Sefydliad Arweinyddiaeth, ac ar ôl cwblhau’r rhaglen, gall cyfranogwyr fanteisio ar y rhaglen e-ddysgu arobryn, MyLeadership, gan y Sefydliad Arweinyddiaeth fel y gallan nhw barhau i ddatblygu. Am ragor o wybodaeth am y dystysgrif hon, cliciwch yma.

Gwybodaeth am y Rhaglen

Hybrid
Ymrwymiad o chwe diwrnod
Rhaglen pedwar mis
Wedi’i hariannu’n llawn
Mewn partneriaeth â Cwmpas
Unrhyw gwestiynau? Cofrestrwch ar gyfer y weminar rad ac am ddim yma. Edrychwn ymlaen at eich gweld chi yno!

Elfennau’r rhaglen

Dod yn Gymrawd Cymdeithasol Clore
Mwy o wybodaeth a sgiliau i arwain yn strategol a gyrru newid cadarnhaol
Mwy o hyder i lywio newidiadau cymhleth
Egni a gwydnwch newydd
Gwell cydweithio a rhwydweithio
Ennill ardystiad gan y Sefydliad Arweinyddiaeth

Diolch yn arbennig i gyllidwr y rhaglen,Henry Smith Foundation, am y cyfle i gyflwyno’r rhaglen rad ac am ddim hon yng ngorllewin Cymru. Ynghyd â dod yn Gymrawd Cymdeithasol Clore, daw cyfranogwyr yn rhan o rwydwaith The Henry Smith Foundation. Mae’r rhwydwaith hwn yn cynnwys unigolion y mae’r sefydliad wedi’i gefnogi trwy ymyriadau arweinyddiaeth.

Meini Prawf Cymhwystra

Yr arweinydd sy’n dod i’r amlwg

Wedi’i gynllunio ar gyfer unigolion sydd â thair blynedd neu fwy o brofiad fel arweinydd sy’n barod i gamu i rolau mwy strategol, gan eu paratoi i ddatblygu eu harweinyddiaeth a chynyddu eu heffaith yn eu cymunedau. Efallai eich bod chi’n arweinydd yn eich cymuned, eich gweithle, neu drwy brofiad byw. Os ydych chi wedi cefnogi pobl, cyflawni prosiectau, neu eiriol dros newid, boed hynny’n llawnamser, yn rhan-amser, â thâl, neu’n wirfoddol, yna’r rhaglen hon yw’r un i chi.

Yn angerddol am newid cymdeithasol

Mae eich ymroddiad i wella’ch hunain er mwyn ysgogi newid cymdeithasol cadarnhaol yn hanfodol, gan ei fod yn gwella eich galluoedd eich hun wrth gyfrannu at newidiadau cadarnhaol i’r gymuned a chymdeithas gyfan.

Ymrwymedig i amrywiaeth

Anogwn yn gryf geisiadau gan unigolion o gefndiroedd amrywiol, gan ein bod yn credu bod meithrin amrywiaeth a chydraddoldeb yn hanfodol i greu cymdeithas decach a chynhwysol.

Profiad byw

Anogwn geisiadau gan bobl sydd â phrofiad byw o’r materion yr awn i’r afael â nhw, yn ogystal â’r rhai o gefndiroedd ymylol, lleiafrifol, neu sy’n cael eu tangynrychioli.

Barn cyfranogwyr y gorffennol

"Mae wedi rhoi mwy o hyder i fi yn fy arweinyddiaeth … bydd hyn o fudd i’m sefydliad gan fy mod i’n teimlo y gallaf gyfrannu mwy at drafodaethau a phenderfyniadau."

Cyfranogwr Arweinydd Cymunedol Cymru

"Dwi wedi bod yn fwy parod i siarad ar ran y gymuned dwi’n gweithio gyda hi – yn fwyaf diweddar gydag AS lleol ac aelod o Fwrdd Gweithredol y Cyngor. Dwi wedi manteisio ar gyfle y gallwn fod wedi’i osgoi’n fwriadol gynt.”

Cyfranogwr Arweinydd Cymunedol Cymru

"Trefnwyd popeth yn dda iawn. Roedd hi’n braf cwrdd â phobl eraill a gweithio gyda nhw mewn awyrgylch mor wych."

Cyfranogwr Arweinydd Cymunedol Cymru

Dyddiadau allweddol

Dyddiad cau ymgeisio:

Rydyn ni bellach yn derbyn ceisiadau ac mae gennych tan 11:59pm ddydd Mercher, 14 Ionawr 2026 i ymgeisio. Os nad ydych chi’n barod i wneud cais, cofrestrwch eich diddordeb i dderbyn nodyn atgoffa cyn y dyddiad cau.

Penderfyniad cymedroli

Bydd ymgeiswyr yn cael gwybod canlyniad eu cais erbyn 11:59pm ddydd Llun, 19 Ionawr 2026.

Dechrau’r rhaglen

Bydd y rhaglen yn dechrau ym mis Chwefror 2026. Gallwch ddod o hyd i drosolwg o elfennau’r rhaglen isod, a bydd amseroedd manwl yn cael eu rhoi i’r ymgeiswyr llwyddiannus i’w helpu i gynllunio.

Canlyniadau

Drwy gydol y rhaglen, cewch eich arwain i ddatblygu’r sgiliau sy’n hanfodol ar gyfer unrhyw arweinydd cymdeithasol. Bydd hyn yn arwain at gryfhau eich galluoedd fel cyfathrebwr ysbrydoledig, galluogwr ymrymuso, gwneuthurwr newidiadau dewr, strategydd â ffocws, eiriolwr angerddol, a chyd-weithredwr hael.

Byddwch yn dysgu sut olwg sydd ar y sgiliau a’r ymddygiadau hyn ar waith, yn canolbwyntio ar ddefnyddio’ch cryfderau presennol a datblygu’ch meysydd gwella, ac yn gwella’ch gallu i weithio gydag eraill a’u tyfu. Drwy gydol y rhaglen, byddwch yn cael cefnogaeth gan gymheiriaid ac yn adeiladu rhwydwaith o arweinwyr cymunedol, ar gyfer twf ac arweiniad yn yr hirdymor.

Nod y rhaglen arweinwyr cymunedol yw sicrhau eich bod yn gadael gyda mwy o hyder yn eich gallu i arwain, eglurder ynghylch eich pwrpas a’ch ffordd o arwain, a chyda’r sgiliau a’r wybodaeth i weithio’n effeithiol gydag eraill – gan gyflymu eich twf a’ch effaith fel arweinydd cymdeithasol yn y pen draw.

Cliciwch ar y botymau isod i ddysgu rhagor am ganlyniadau disgwyliedig y rhaglen.

Gwell effeithiolrwydd a pherfformiad

Byddwch yn dod yn fwy effeithiol yn eich rôl, gan ddysgu sut i alluogi gwell perfformiad yn eich prosiectau a’ch timau. Mae’r rhaglen hon yn dangos sut i ysbrydoli, datrys gwrthdaro, a gosod nodau effeithiol ar gyfer gwaith gwirioneddol ragorol. Byddwch yn gallu gosod eich hun fel arweinydd tîm dibynadwy, gyda gweledigaeth glir a chryno.

Datblygu atebion i broblemau’r byd go iawn

Drwy gydol y rhaglen, byddwch yn cael eich cefnogi i gofleidio a gweithio ar yr heriau y mae eich prosiect neu sefydliad yn eu hwynebu ar hyn o bryd, gan ddatblygu atebion ymarferol a pharhaol y gallwch eu dwyn yn ôl i’r gweithle.

Meithrin sgiliau perthnasol ac effeithiol fel arweinydd

Byddwch yn darganfod a datblygu’r sgiliau a’r ymddygiadau sylfaenol a all sicrhau llwyddiant ar lefel leol, gymunedol. Dewch i adnabod eich hun, eich pwrpas unigryw a’r effaith sydd gennych ar eraill yn well, er mwyn gwella sgiliau cyfathrebu a pherthnasoedd, ac osgoi teimladau o chwythu plwc a gorbryder i chi’ch hun a’ch tîm. Drwy’r sgiliau hyn a rhwydwaith cefnogol, bydd y rhaglen yn eich grymuso i ddatblygu arweinyddiaeth adfywiedig, ystwyth a gwydn, i arwain drwy sefyllfaoedd ac argyfyngau heriol.

Cael cefnogaeth gan gymheiriaid

Dewch i gwrdd ag arweinwyr cymunedol eraill a datblygu rhwydwaith cryfach o gyfoedion cefnogol. Mae buddsoddi mewn perthnasoedd â’ch carfan yn eich galluogi i greu gweledigaeth gydgysylltiedig a all ysbrydoli a chymell eraill. Yn ôl carfannau blaenorol, mae’r gefnogaeth a gawson nhw gan eu cyfoedion yn ystod ac ar ôl y rhaglen yn hanfodol yn eu taith i ddod yn arweinydd gwell. Anogwn unigolion i ddatblygu perthnasoedd cryf gyda’u cyfoedion er mwyn cael cyngor, arweiniad a chyfeillgarwch yn yr hirdymor.

Dysgu sut i arwain yn hyderus

Bydd y rhaglen yn rhoi hwb i’ch hyder yn eich galluoedd fel arweinydd, wrth ichi ennill y wybodaeth a’r gwydnwch i lywio’r pwysau, y cymhlethdod a’r ansicrwydd y mae arweinwyr cymdeithasol yn eu hwynebu drwy gydol eu gyrfaoedd. Yn ogystal, drwy hunanfyfyrio, ceisio adborth, a dod i gysylltiad ag arweinwyr amrywiol, byddwch yn cael cipolwg gwerthfawr ar eich steil, eich cryfderau a’ch meysydd twf. Erbyn diwedd y rhaglen, byddwch yn fwy hyderus a dilys yn eich arweinyddiaeth.

Mynd i’r afael â’r teimlad o chwythu plwc fel arweinydd

Cewch eich cefnogi gydag offer a strategaethau i feithrin gwydnwch a lles. Bydd y rhain yn eich helpu i reoli straen, osgoi chwythu plwc, a chynnal cydbwysedd iach rhwng bywyd a gwaith, gan sicrhau y gallwch arwain â bywiogrwydd a chynaliadwyedd. Drwy ganolbwyntio ar wydnwch personol a lles, byddwch yn gwella eich ffordd o weithio a’ch gallu i gefnogi ac ysbrydoli eich tîm a’ch cymuned, gan adael y rhaglen fel arweinydd effeithiol sy’n barod i wneud gwahaniaeth cadarnhaol, parhaol.

Elfennau’r rhaglen

Bydd y rhaglen yn cynnig mynediad at amrywiaeth o fentrau datblygu arweinyddiaeth. Nod y rhain yw helpu cyfranogwyr i feithrin y sgiliau, y wybodaeth a’r rhwydweithiau sydd eu hangen arnyn nhw i arwain newid cymdeithasol yn effeithiol.

Cliciwch ar y botymau isod i ddysgu rhagor am bob elfen.

Darganfod eich arweinyddiaeth

Yn ystod pedair wythnos ar ddechrau’r rhaglen, byddwch yn archwilio hanfodion arweinyddiaeth, a fydd yn eich cefnogi i fod yn fwy effeithiol ac yn eich arfogi â’r sgiliau a’r hyder i ymgymryd â rôl fwy sylweddol. Byddwch yn gorffen y rhaglen â Chynllun Datblygu Arweinydd hirdymor, yn barod i wneud y gorau o elfennau eraill y rhaglen. Am ragor o wybodaeth am Discover, cliciwch yma.

Gweithdai arweinyddiaeth

Cyfres o weithdai strwythuredig, a gyflwynir gan hwyluswyr arbenigol, yn ymdrin â sgiliau arwain allweddol a heriau sy’n benodol i’r sector. Ymhlith y pynciau a drafodir mae: arweinyddiaeth strategol, gwydnwch a lles, cydweithio ac effaith ar y cyd, a llywodraethu.

Encil Preswyl i Arweinwyr yng Ngorllewin Cymru

Dros dridiau a dwy noson, cewch eich arwain trwy gyfres o weithdai a gweithgareddau sy’n cryfhau cysylltiadau’r garfan, yn archwilio rhai o’r prif heriau y mae’r sector yn eu hwynebu, yn gweithio gyda’ch cyfoedion ar broblem yn y byd go iawn mewn hacathon Start Something Good, ac yn dysgu mwy amdanoch chi’ch hun trwy hunanbortread seicometrig Lumina Spark. Cewch gyfle i glywed yn uniongyrchol gan arweinwyr cymdeithasol profiadol, a fydd yn trafod eu prif wersi, methiannau, a phethau maen nhw wedi’u dysgu ar hyd y ffordd. Drwy’r straeon hyn, byddwch yn dysgu gwersi allweddol wrth dyfu eich rhwydwaith hefyd.

Hyfforddi Proffesiynol

Drwy dair sesiwn un-i-un, byddwch yn gweithio gyda hyfforddwr proffesiynol i fanteisio ar eich talent a goresgyn rhwystrau a allai fod yn eich dal yn ôl, gan helpu i wella’ch gwydnwch, effeithlonrwydd a pherfformiad – a dod un cam yn nes at gyflawni eich nodau proffesiynol a phersonol.

Setiau Dysgu Gweithredol

Gyda grŵp bach o gyfoedion, byddwch yn dod at eich gilydd yn rheolaidd mewn lle cynhwysol a chyfrinachol i gynorthwyo dysgu myfyriol. Byddwch yn cyflwyno heriau rydych chi’n eu hwynebu, a chyda chefnogaeth y Set, yn dyfnhau eich dealltwriaeth o’r sefyllfa ac atebion posibl, gan ddod o hyd i’r atebion ynoch chi’ch hun a thrwy ddysgu oddi wrth eich gilydd. Yn ogystal â darparu atebion ymarferol i broblemau yn y byd go iawn, mae Dysgu Gweithredol yn hyrwyddo diwylliant o hyfforddi. Bydd hyn yn eich cefnogi i fireinio eich sgiliau hyfforddi, a gallwch wedyn eu defnyddio yn eich sefydliad.

‘Start Something Good’ Hacathon

Sesiwn ddeinamig, wedi’i hwyluso gan arbenigwyr, lle byddwch chi’n dod at eich gilydd mewn grwpiau i fynd i’r afael â’r heriau go iawn y mae eich sefydliadau a’ch cymunedau yn eu hwynebu. Mae’r hacathon yn darparu lle diogel a chreadigol i brofi syniadau, archwilio cyfleoedd, a chreu atebion ymarferol. Drwy weithio’n ddwys gyda’ch cyfoedion, byddwch yn cryfhau sgiliau datrys problemau, yn tyfu eich rhwydweithiau, ac yn profi pŵer arweinyddiaeth gydweithredol ar waith.

Lumina Spark

Byddwch yn archwilio eich cryfderau a’ch ffordd o arwain trwy broffil personol, gan eich helpu i ddeall yn well sut rydych chi’n arwain a sut i gefnogi eraill, a hynny trwy hunanbortread seicometrig Lumina Spark. Mae’r system proffilio personoliaeth bwerus hon yn darparu portread unigryw o bwy ydych chi, gan eich helpu i gynyddu eich hunanymwybyddiaeth, datgelu potensial cudd, a’ch helpu i ddeall sut rydych chi’n ymddwyn o dan bwysau. Bydd hyn yn cynnwys sesiwn hyfforddi diwrnod llawn.

Gwybodaeth ymgeisio

Ffi’r rhaglen:Caiff y rhaglen hon ei hariannu gan ein partner, Henry Smith Foundation sy’n anelu at ddefnyddio’i hadnoddau i helpu pobl a chymunedau ar adegau o angen i greu newid cadarnhaol. Mae ei blaenoriaethau ariannu yn seiliedig ar ymrwymiad i gryfhau cymunedau gorllewin Cymru drwy.

Gweminar: Ymunwch â ni ar gyfer ein gweminarau ddydd llun, 3 Tachwedd (12:30–1pm), neu ddydd lau, 11 Rhagfyr (12:30pm–1pm), i ddysgu mwy am y rhaglen, i gwrdd â’r tîm a chyfranogwyr blaenorol, ac i gael atebion i’ch cwestiynau. Gallwch gofrestru ar gyfer y weminar yma. Edrychwn ymlaen at eich gweld chi yno!

Ein dulliau

Bydd Fframwaith Galluoedd Cymdeithasol a Model Datblygu Arweinyddiaeth Clore Social Leadership yn llywio dysgu’r rhaglen. Trwy ddefnyddio ein Model Datblygu Arweinyddiaeth (isod), byddwch yn dysgu sut a pha olwg sydd ar y sgiliau a’r ymddygiadau hyn ar waith, lle mae eich cryfderau a’ch meysydd i’w gwella, a sut y gallwch eu datblygu a’u hannog ynoch chi’ch hun ac eraill. Trwy ddefnyddio ein Fframwaith Galluoedd Cymdeithasol (isod), cewch eich arwain i ddatblygu galluoedd arwain hael, angerddol, dewr, â ffocws, sy’n ysbrydoli ac yn grymuso – rhinweddau hanfodol i unrhyw arweinydd effeithiol.

Fframwaith Galluoedd Arweinyddiaeth Gymdeithasol

Mae bod yn arweinydd cymdeithasol a moesegol yn galw am alluoedd penodol. Mae’r Fframwaith Galluoedd Arweinyddiaeth Gymdeithasol yn amlinellu’r priodweddau, yr ymddygiadau a’r sgiliau y mae eu hangen ar gyfer arweinyddiaeth lwyddiannus yn y sector cymdeithasol. Mae’r Fframwaith Galluoedd yn dangos sut a pha olwg sydd ar y sgiliau a’r ymddygiadau hyn ar waith. Mae cael fframwaith yn galluogi arweinwyr i fyfyrio ac asesu’u sgiliau presennol. Mae’n rhoi’r grym iddynt amlygu bylchau mewn arweinyddiaeth a chynllunio’u datblygiad personol a phroffesiynol eu hunain.