Emerging Leader Cymru Cymraeg

Arweinwyr Cymdeithasol Cymru - Arweinydd Newydd

Arweinwyr Cymdeithasol Cymru - Arweinydd Newydd
Medi 2024 - Rhagfyr 2024

Rhaglen ar-lein pedwar mis wedi'i chynllunio ar gyfer arweinwyr yng Nghymru sydd â thair i chwe blynedd o brofiad arwain yn y sector cymdeithasol.

Mae ceisiadau yn cau

Gwybodaeth am y rhaglen

Yn dechrau fis Medi 2024, bydd rhaglen Arweinwyr Cymdeithasol Cymru – Arweinwyr Newydd yn dod â chyfoedion ynghyd sy’n frwd dros newid cymdeithasol ac sy’n awyddus i ddatblygu eu sgiliau arwain er mwyn cael mwy o effaith.

Wedi'i gynnal ar-lein, bydd y cyfranogwyr yn dysgu egwyddorion sylfaenol beth yw bod yn arweinydd cymdeithasol effeithiol. Cânt eu hannog i fyfyrio ar eu harddull a’u dull o arwain eu hunain, a byddan nhw’n archwilio cyfres o bynciau arweinyddiaeth yn ystod y gweithdai sy’n cyd-fynd â nhw.

Mae’r rhaglen wedi’i chynllunio er mwyn gwneud i gyfranogwyr deimlo eu bod wedi'u grymuso yn eu harweinyddiaeth, gyda'r hyder i arwain yn ddilys. Bydd cyfranogwyr yn cael eu cysylltu â grŵp cymheiriaid o arweinwyr sector cymdeithasol yng Nghymru, gan ddod â chyfleoedd dysgu ychwanegol yn ogystal â chyfleodd rhwydweithio.

Byddan nhw hefyd yn derbyn Pecyn Cymorth Arweinyddiaeth diriaethol sy'n cynnwys adnoddau ac ymarferion y gallan nhw barhau i gyfeirio'n ôl atyn nhw ar ôl y rhaglen, yn ogystal â'u rhannu â'u timau a'u sefydliadau, i gefnogi datblygiad arweinyddiaeth barhaus.

Gallwch wylio recordiad o'r weminar am y rhaglenni yma.

Gyda diolch arbennig i ariannwr y rhaglen, Cronfa Gymunedol y Loteri Genedlaethol, am y cyfle i gyflwyno'r rhaglen hon am ddim yng Nghymru.

Gwybodaeth y Rhaglen

Cyflwynir yn Saesneg
Ar-lein yn unig
Ymrwymiad amser 32 awr
Am ddim

Nodweddion y Rhaglen

Rhaglen 14 wythnos
Cymuned ar-lein
25 o leoedd
Cyn-gyfranogwyr Clore Social

Partners & chyllidwyr

Mae Arweinwyr Cymdeithasol Cymru yn bartneriaeth rhwng Cwmpas, Clore Social Leadership a Chyngor Gweithredu Gwirfoddol Cymru ac rydyn ni’n falch o fod yn bartner cyflawni ar gyfer y rhaglen unigryw hon yng Nghymru. Cefnogir y prosiect gan Grŵp Cynghori ar Brosiect y mae ei aelodau'n adlewyrchu amrywiaeth a chyrhaeddiad y sector - sy'n arwydd o'r effaith rydyn ni am i'r rhaglenni ei chael. Rôl y grŵp Cynghori yw helpu i lunio'r rhaglen er mwyn ei gwneud yn berthnasol ac yn effeithiol i'r sector cymdeithasol yng Nghymru.

Meini prawf cymhwystra

Yr egin arweinydd

Mae cyfranogwyr y rhaglen hon yn unigolion sydd wedi ennill o leiaf tair blynedd o brofiad arwain, naill ai â thâl neu’n wirfoddol, gan arwain prosiectau, timau, gwirfoddolwyr a/neu adrannau, o unrhyw sector. Mae'r rhaglen hon fel arfer yn darparu ar gyfer Rheolwyr, Rheolwyr Prosiect, Arweinwyr Tîm, Uwch Reolwyr a Phenaethiaid, sy'n barod i fynd â'u sgiliau arwain i'r lefel nesaf trwy ddyfnhau eu dealltwriaeth ohonynt eu hunain a'r math o arweinydd y maent am fod. Os ydych chi'n teimlo bod eich profiad yn mynd y tu hwnt i'r egin arweinydd, byddwn yn cynnig rhaglen i Arweinwyr Profiadol (a ddiffinnir yn nodweddiadol fel y rhai â 6+ mlynedd o brofiad) yn 2025. Cofrestrwch eich diddordeb ar gyfer hynny yma.

Gweithio at ddiben cymdeithasol

Mae’r rhaglen hon yn agored i unigolion sy’n gweithio i neu gyda sefydliadau â diben cymdeithasol yng Nghymru, gan gynnwys elusennau, mentrau cymdeithasol, Cwmnïau Buddiannau Cymunedol a busnesau nid-er-elw .

Wedi ymrwymo i amrywiaeth

Rydyn ni’n annog yn gryf ceisiadau gan unigolion o gefndiroedd amrywiol.

Yn frwd dros newid cymdeithasol

Mae eich ymroddiad i wella’ch hun i ysgogi newid cymdeithasol effeithiol yn hanfodol.

Cyflawni’ch potensial

Mae hwn yn gyfle unigryw i ddatblygu i fod yn arweinydd cydnerth, sy’n rhwydweithio'n dda ac sy’n hyderus i weithredu newid ystyrlon yn eich cymuned. Er mwyn sicrhau cydweithio effeithiol, mae nifer y derbyniadau i’r cwrs yn gyfyngedig i 25 lle.

Ceisiadau bellach ar gau.

Cofrestrwch eich diddordeb

Canlyniadau

Byddwch yn cael eich tywys i ddatblygu galluoedd arwain sy’n ysbrydoli, yn grymuso, yn ddewr, yn hael ac sydd â ffocws ac angerdd - rhinweddau sy'n hanfodol i unrhyw arweinydd effeithiol mewn menter wirfoddol, gymunedol neu gymdeithasol. Byddwch yn dysgu sut i roi’r sgiliau a'r ymddygiadau hyn ar waith, beth yw eich cryfderau a'ch meysydd gwella, a sut y gallwch ddatblygu ac annog y rhain ynoch chi eich hun ac eraill.

Cliciwch ar y botymau isod i ddysgu mwy am ganlyniadau disgwyliedig y rhaglen.

Datblygu Sgiliau arwain perthnasol ac effeithiol

Darganfod a datblygu'r sgiliau a'r ymddygiadau sylfaenol a all sicrhau llwyddiant ar lawr gwlad, ar lefel gymunedol. Dewch i adnabod eich hun, eich pwrpas unigryw a'r effaith rydych chi'n ei chael ar eraill, gwella sgiliau cyfathrebu a pherthnasoedd, ac atal chwythu plwc a gorbryder i chi eich hun a'ch timau. Trwy'r sgiliau hyn a rhwydwaith cefnogol, bydd y rhaglen yn eich grymuso i ddatblygu arweinyddiaeth sydd wedi adfywio, sy’n ystwyth ac sy’n gydnerth, i reoli heriau yn well ac i ysgogi llwyddiant.

Dysgu arwain yn hyderus

Rhowch hwb i'ch hyder yn eich galluoedd arwain i ddatblygu a graddio’ch prosiectau/sefydliadau ac yn y pen draw cael effaith. Byddwch yn dechrau datblygu i fod yn arweinydd hunanweithredol gyda'r hyder a'r cydnerthedd i lywio sefyllfaoedd cymhleth, ansicr a newidiol.

Cyn-gyfranogwyr Clore Social

Dewch yn aelod o'n cymuned ar-lein i gysylltu a chydweithio â gwneuthurwyr newid ar draws y sector cymdeithasol a thu hwnt.

Mwy o hunanymwybyddiaeth

Byddwn yn eich cefnogi i ddod i adnabod eich hun a'r effaith rydych chi’n ei chael ar eraill, gan helpu i egluro eich pwrpas a'ch dyheadau unigryw, tra'n gwella eich cyfathrebu, perthnasoedd proffesiynol, a’ch lles.

Gwell effeithiolrwydd a pherfformiad tîm

Byddwch yn dod yn fwy effeithiol yn eich rôl, gan ddysgu sut i alluogi perfformiad uchel o fewn eich prosiectau a'ch timau. Mae'r rhaglen hon yn dangos sut i ysbrydoli, datrys gwrthdaro, a gosod nodau effeithiol ar gyfer gwaith gwirioneddol ragorol. Byddwch yn gallu gosod eich hun fel arweinydd tîm dibynadwy, gyda gweledigaeth glir a chryno

Cefnogaeth cyfoedion

Mae carfannau yn y gorffennol wedi canfod bod y gefnogaeth a gânt gan eu cyfoedion yn ystod ac ar ôl y rhaglen yn hanfodol ar eu taith i ddod yn arweinydd cymdeithasol mwy dylanwadol. Rydym yn annog datblygu cysylltiadau cryf â'ch cyfoedion ar gyfer cyngor, arweiniad a chyfeillgarwch hirdymor. Bydd gennych hefyd yr opsiwn i ymuno â'n cymuned ar-lein o wneuthurwyr newid, gan helpu i ffurfio bondiau cryf rhwng cyfoedion a rhwydweithiau i gynyddu sefydliadol a gwytnwch y sector, ac annog arloesi a chydweithio

Beth mae ein cyfranogwyr blaenorol yn ei ddweud

“Mae Clore Social wedi creu ffordd wirioneddol effeithiol o gyflwyno’r rhaglen ar-lein gan ddefnyddio amrywiaeth o dechnoleg heb iddi deimlo’n llethol nac yn gyfyngedig.”

Cyfranogwr Peilot Arweinydd Newydd Cymru

"Roedd y sesiynau'n fuddiol iawn, maen nhw'n addysgiadol ond gyda digon o amser i drafod mewn grwpiau llai. Mae'r rhaglen...yn helpu i feithrin hyder ac ymddiriedaeth o fewn y grŵp i rannu profiadau"

Cyfranogwr peilot Arweinwyr Cymdeithasol Cymru

"Roedd yn dda cyfarfod, rhwydweithio a rhannu arferion da a phrofiadau gan wahanol sefydliadau/cymunedau."

Cyfranogwr peilot Arweinwyr Cymdeithasol Cymru

Dyddiadau Allweddol

Dyddiad cau ar gyfer ceisiadau

Dydd llun 22 Gorffennaf am 11.59pm. Gwnewch yn siŵr eich bod yn cyflwyno'ch cais mewn da bryd gan na fydd ceisiadau'n cael eu derbyn ar ôl y dyddiad cau.

Penderfyniad cymedroli

Bydd ymgeiswyr yn cael gwybod am ganlyniad eu cais erbyn Dydd llun 29 Gorffennaf 2024.

Rhaglen yn dechrau: Dechrau 12 Medi 2024

Bydd manylion llawn o elfennau'r rhaglen yn cael eu darparu i ymgeiswyr llwyddiannus i gefnogi cynllunio ymlaen llaw.

Gwybodaeth am wneud cais

Ffi y rhaglen: Diolch i gefnogaeth hael a charedig yr ariannwr, Cronfa Gymunedol y Loteri Genedlaethol, rydyn ni’n gallu cynnig y rhaglen hon am ddim, mae hyn yn galluogi hyfforddiant sgiliau a datblygu sy’n hygyrch i bawb.

Canllawiau ar wneud cais: Rydyn ni’n argymell lawrlwytho a darllen y Canllawiau ar Wneud Cais (dogfen Word) i gynllunio’ch atebion ymlaen llaw cyn llenwi'r ffurflen gais ar-lein, gan na fydd y ffurflen yn cadw’ch atebion, felly mae'n rhaid i chi ei chwblhau mewn un eisteddiad.

Elfennau’r Rhaglen

Bydd y rhaglen yn cynnig mynediad at gyfoeth o ymyriadau datblygu arweinyddiaeth sydd wedi'u cynllunio er mwyn helpu cyfranogwyr i feithrin y sgiliau, y wybodaeth a'r rhwydweithiau gofynnol ar gyfer arwain newid cymdeithasol yn effeithiol.

Sesiwn groeso: Byddwn yn eich croesawu ar y rhaglen, yn eich cysylltu â’ch cyd-Arweinwyr Newydd a fydd yn ymuno â chi ar y daith hon ac yn amlinellu beth i’w ddisgwyl o’r rhaglen.

-------------------

Y Rhaglen Discover: Cwrs dysgu hybrid wyth wythnos sy'n defnyddio model o hunanystyried i arwain cyfranogwyr drwy elfennau craidd datblygu arweinyddiaeth gymdeithasol. Bydd cyfranogwyr yn gorffen y rhaglen gyda Chynllun Datblygu Arweinyddiaeth hirdymor. I gael rhagor o wybodaeth am y rhaglen hon, cliciwch yma.

-------------------

3x Gweithdai Arweinyddiaeth wedi’u hwyluso: Wedi’u cynnal ar-lein, bydd y sesiynau dwy awr hyn yn ategu’r hyn a ddysgwyd o’r rhaglen Darganfod ac yn archwilio themâu arweinyddiaeth allweddol. Byddan nhw’n cael eu teilwra i ddiwallu anghenion dysgu ac arweinyddiaeth penodol y garfan.

-------------------

Gweithdy Arweinyddiaeth Ddilys a Lumina Spark: Mae'r gweithdy hwn yn canolbwyntio ar yr offeryn Lumina Spark, proffil seicometrig unigol sydd wedi'i gynllunio i helpu pobl i ddeall eu cryfderau craidd a myfyrio ar sut mae'r rhain yn chwarae allan ar adegau o her ac ansicrwydd. Bydd y cyfranogwyr yn derbyn adroddiad manwl, yn seiliedig ar eu hymatebion i arolwg byr, a fydd yn cyd-fynd â gweithdy rhyngweithiol dan arweiniad. Byddwch yn darganfod eich cymhellion sylfaenol a’ch potensial cudd, yn deall eich ymddygiadau bob dydd a sut rydych yn ymateb i bwysau, ac yn dysgu sut i arwain yn ddilys a gwella gweithio gydag eraill.

-------------------

Sesiwn gloi: Yn y sesiwn olaf hon byddwn yn myfyrio ar eich dysgu am arweinyddiaeth, yn rhoi arweiniad o amgylch eich Cynllun Datblygu Arweinyddiaeth ac yn archwilio’r camau nesaf yn eich taith datblygu arweinyddiaeth.

-------------------

Pecyn cymorth arweinyddiaeth: Byddwn yn darparu pecyn o adnoddau arweinyddiaeth i chi y gallwch eu rhannu gyda'ch timau i gefnogi datblygiad arweinyddiaeth parhaus.

-------------------

Sesiwn Dal i Fyny Ôl-Raglen: Cynhelir y sesiwn hon dri mis ar ôl i'r rhaglen ddod i ben, ac mae'n gyfle i chi ail-gwrdd â'ch cyfoedion yn y garfan i fyfyrio a rhannu cyflawniadau, heriau a dysg arweinyddiaeth diweddar a hefyd gosod bwriadau ar gyfer y dyfodol.

Amserlen y Rhaglen

Mae'r sesiynau isod i gyd yn elfennau o’r rhaglen sy'n cael eu cynnal fel carfan.

Sesiwn	Dyddiad ac amser
Ar-lein: Sesiwn groeso	Dydd lau 12th Medi 10:00-12:00
Ar-lein : Gweithdy Arweinyddiaeth #1	Dydd lau 26th Medi 10:00-12:00
Ar-lein: Gweithdy Arweinyddiaeth #2	Dydd lau 10th Hydref 10:00-12:00
Ar-lein: Gweithdy Arweinyddiaeth #3	Dydd lau 24th Hydref 10:00-12:00
Ar-lein: Spark Lumina	Dydd lau 14th Tachwedd 09:30-13:30
Ar-lein : Sesiwn gloi	Dydd Mawrth 10th Rhagfyr 10:00-12:00
Ar-lein : Y Garfan yn dal i fyny	Dydd mercher 5th Mawrth 2025 10:00-11:30

Ein dulliau

Bydd Fframwaith Galluoedd Cymdeithasol a Model Datblygu Arweinyddiaeth Clore Social Leadership yn llywio dysgu’r rhaglen. Trwy ddefnyddio ein Model Datblygu Arweinyddiaeth (isod), byddwch yn dysgu sut a pha olwg sydd ar y sgiliau a’r ymddygiadau hyn ar waith, lle mae eich cryfderau a’ch meysydd i’w gwella, a sut y gallwch eu datblygu a’u hannog ynoch chi’ch hun ac eraill. Trwy ddefnyddio ein Fframwaith Galluoedd Cymdeithasol (isod), cewch eich arwain i ddatblygu galluoedd arwain hael, angerddol, dewr, â ffocws, sy’n ysbrydoli ac yn grymuso – rhinweddau hanfodol i unrhyw arweinydd effeithiol.

Fframwaith Galluoedd Arweinyddiaeth Gymdeithasol

Mae bod yn arweinydd cymdeithasol a moesegol yn galw am alluoedd penodol. Mae’r Fframwaith Galluoedd Arweinyddiaeth Gymdeithasol yn amlinellu’r priodweddau, yr ymddygiadau a’r sgiliau y mae eu hangen ar gyfer arweinyddiaeth lwyddiannus yn y sector cymdeithasol. Mae’r Fframwaith Galluoedd yn dangos sut a pha olwg sydd ar y sgiliau a’r ymddygiadau hyn ar waith. Mae cael fframwaith yn galluogi arweinwyr i fyfyrio ac asesu’u sgiliau presennol. Mae’n rhoi’r grym iddynt amlygu bylchau mewn arweinyddiaeth a chynllunio’u datblygiad personol a phroffesiynol eu hunain.