Board Leader Cymru Cymraeg

Board Leader Cymru

6 Hydref 2021 - 29 Ebrill 2022

Cyfres chwe mis o ddosbarthiadau meistr a rhwydweithio ar gyfer ymddiriedolwyr elusennau a mentrau cymdeithasol, wedi’u harwain gan hwyluswyr arbenigol, gyda’r nod o hoelio sylw, herio ac ysbrydoli.

Am ddim

Cais wedi cau Cofrestrwch i gael diweddariadau

Cymhwysedd
Strwythur a deilliannau
Gwybodaeth am wneud cais
Ein dulliau
Dyddiadau allweddol
Cwestiynau Cyffredin
Cyfres Arweinwyr Cymdeithasol Cymru
ENGLISH

Gwybodaeth am y rhaglen

Mae ymddiriedolwyr yn chwarae rhan allweddol wrth reoli a chyfarwyddo elusennau. Mae ymddiriedolaeth dda ar ffurf set o sgiliau ac ymddygiadau yn ased amhrisiadwy, sy’n cyfrannu at gynaliadwyedd, effeithiolrwydd ac effeithlonrwydd sefydliad.

Dros y gyfres o chwe dosbarth meistr, bydd carfan o 25 o ymddiriedolwyr yn cymryd rhan mewn digwyddiadau rhyngweithiol lle byddant yn dod ynghyd i ddysgu, trafod a chydweithredu ar rai o’r materion mwyaf tyngedfennol sy’n wynebu sefydliadau sector cymdeithasol a diwylliannol yng Nghymru.

Bwriedir i’r dosbarthiadau meistr fod yn ‘naid ddwfn’ i bwnc, yn seiliedig ar astudiaeth achos go iawn, wedi’u harwain gan arbenigwr. Yna, bydd y garfan yn cymryd rhan mewn trafodaeth wedi’i hwyluso i ddysgu am eu hatebion o’r byd go iawn i rai o’r materion arweinyddiaeth hyn.

Mae’r rhaglen yn gyfle i ymddiriedolwyr ddatblygu a thyfu yn eu rôl gyda chefnogaeth ac mewn modd strwythuredig. Bydd ymddiriedolwyr yn gorffen y rhaglen gyda mwy o ymdeimlad o hyder a phecyn o ddysgu y gallant fynd ag ef yn ôl i’w bwrdd.

Manylion y Cwrs

Yn Saesneg, Gymraeg ar gais
Ymrwymiad o 4 i 5 niwrnod (28-30 awr)
Pob lefel profiad
Am ddim

Nodweddion y Cwrs

6 dosbarth meistr
Cymuned ar-lein
25 lle
Cynfyfyrwyr Clore Social

Partner & chyllidwyr

Cyrraedd eich potensial

Dim ond 25 o leoedd wedi’u hariannu sydd ar gael gennym! Rhoddir blaenoriaeth i geisiadau cynnar, lle y bo’n bosibl, felly gwnewch gais cyn gynted â phosibl. Os nad ydych chi’n barod i wneud cais eto, cofrestrwch eich diddordeb mewn cael diweddariadau am raglenni a negeseuon atgoffa am wneud cais.

Cofrestrwch i gael diweddariadau

Meini prawf cymhwysedd

Pob lefel profiad

Mae’r rhaglen hon ar gyfer ymddiriedolwyr elusennau cofrestredig a mentrau cymdeithasol sy’n gweithredu yng Nghymru. Gallai’r profiad fod yn brofiad rhan-amser a/neu â thâl neu’n wirfoddol.

Yn agored i feddwl yn wahanol

Mae angen lle ar ymddiriedolwyr lle y cânt eu herio i feddwl yn wahanol ac yn ddewr, gan gymhwyso’u gwybodaeth newydd i heriau gwirioneddol eu bywyd.

Yn awyddus i ddatblygu

Rydym ni’n annog ceisiadau gan fenywod, pobl o gefndiroedd du ac ethnig leiafrifol, a phobl sy’n gweithio’r tu allan i ddinasoedd mawr Cymru.

Yn angerddol am newid cymdeithasol

Mae eich ymroddiad i hunanwella fel y gallwch yrru newid cymdeithasol effeithiol yn hanfodol i ymgeisydd eithriadol.

Strwythur a deilliannau

Bydd gan bob un o’r dosbarthiadau meistr amcanion dysgu, ychydig o waith paratoi a gwaith cartref i helpu i fyfyrio’n ddwfn a gwreiddio dysgu, a byddant yn cynnwys naid ddwfn i amrywiaeth o bynciau.

Bydd cyfres y dosbarthiadau meistr yn cynnig cipolwg ddifyr a heriol i bynciau sydd eisoes yn flaenllaw ym meddyliau ymddiriedolwyr, a lle i drafod y materion hyn yn adeiladol gyda grŵp o gymheiriaid. A hoffech chi wella’ch perfformiad fel aelod Bwrdd? Gadewch gyda phecyn o hyfforddiant a chynnwys y gallwch fynd ag e yn ôl i’ch sefydliad.

Cliciwch ar y botymau isod i ddysgu rhagor am ddeiliannau disgwyliedig y rhaglen.

Deall eich rôl a’ch effaith bersonol

Byddwch yn cael cyflwyniad i ymddiriedolaeth, deall eich rôl a’ch rhwymedigaethau a’ch cyfnod yn y swydd. Gallwch gymryd rhan mewn trafodaethau am heriau presennol ymddiriedolwyr a’r hyn sy’n eich cymell i fod yn ymddiriedolwr. Rhoddir lle i feddwl am eich dadansoddiad eich hun o sgiliau a’ch datblygiad personol, gyda’ch lles ac arddull arwain ddilys yn flaenllaw.

Gwella’ch dysgu am weithrediadau bwrdd

Gallwch adnewyddu eich gwybodaeth am sylfeini gweithrediadau bwrdd, gan gynnwys gofynion adrodd, strwythurau cyfreithiol, strategaeth ac effaith. Mae’r rhain ymhlith y pynciau a drafodir gydag ymddiriedolwyr profiadol a’ch grŵp cymheiriaid.

Dysgu am eich cyfrifoldebau ariannol

Mae gan ymddiriedolwyr gyfrifoldeb ariannol tuag at eu sefydliadau. Pu’n a oes gennych gefndir mewn cyllid ai peidio, mae llawer i’w ddysgu am gyllid, risg ac adrodd. Mae arbenigwyr yn dod â hyn yn fyw trwy astudiaethau achos a thrafodaethau pellach.

Perfformiad bwrdd a pherthnasoedd y bwrdd

Byddwch yn gwella’ch cysylltiadau ag ymddiriedolwyr eraill wrth i chi drafod dynameg bwrdd, amrywiaeth, gwneud penderfyniadau ar y cyd a pherthnasoedd o fewn a’r tu hwnt i’r bwrdd ymddiriedolwyr.

Rheoli risg gyda hyder

Mae rheoli risg yn gyfrifoldeb hanfodol i fwrdd ymddiriedolwyr. Mae hwn yn cwmpasu meysydd strategaeth, gwneud penderfyniadau, risg i enw da a defnyddio data i reoli risg.

Cael eich herio gan feddwl newydd

Byddwch yn ystyried arloesi yng nghyd-destun gwelliant parhaus. Cewch eich arwain i feddwl yn greadigol a thrafod prosesau arloesi, a dysgu o brofiadau y mae ymddiriedolwyr sy’n wynebu senarios tebyg yn eu rhannu.

Gwybodaeth am wneud cais

Pris y rhaglen

Diolch i gefnogaeth hael a charedig y cyllidwyr, gallwn gynnig y rhaglen hon yn rhad ac am ddim. Mae hyn yn rhan o’n hymrwymiad ar y cyd i ddarparu hyfforddiant sgiliau a datblygiad hygyrch i bawb. Mae’n gyfle unigryw i gael at gwerth miloedd o bunnoedd o hyfforddiant ar reolaeth ac arweinyddiaeth yn rhad ac am ddim.

Arweiniad ar wneud cais

Rydym yn argymell eich bod yn lawrlwytho ac yn darllen y Canllaw ar wneud cais (dogfen Word) i gynllunio’ch ymatebion ymlaen llaw cyn llenwi’r ffurflen gais ar-lein, oherwydd ni fydd y ffurflen yn arbed eich atebion, felly rhaid i chi lenwi’r cyfan ar yr un pryd.

Cais wedi cau Llyfryn i'ch sefydliad (yn dod yn fuan!) Cysylltwch â ni

Ein dulliau

Bydd Fframwaith Galluoedd Cymdeithasol a Model Datblygu Arweinyddiaeth Clore Social Leadership yn llywio dysgu’r rhaglen. Trwy ddefnyddio ein Model Datblygu Arweinyddiaeth (isod), byddwch yn dysgu sut a pha olwg sydd ar y sgiliau a’r ymddygiadau hyn ar waith, lle mae eich cryfderau a’ch meysydd i’w gwella, a sut y gallwch eu datblygu a’u hannog ynoch chi’ch hun ac eraill. Trwy ddefnyddio ein Fframwaith Galluoedd Cymdeithasol (isod), cewch eich arwain i ddatblygu galluoedd arwain hael, angerddol, dewr, â ffocws, sy’n ysbrydoli ac yn grymuso – rhinweddau hanfodol i unrhyw arweinydd effeithiol.

Fframwaith Galluoedd Arweinyddiaeth Gymdeithasol

Mae bod yn arweinydd cymdeithasol a moesegol yn galw am alluoedd penodol. Mae’r Fframwaith Galluoedd Arweinyddiaeth Gymdeithasol yn amlinellu’r priodweddau, yr ymddygiadau a’r sgiliau y mae eu hangen ar gyfer arweinyddiaeth lwyddiannus yn y sector cymdeithasol. Mae’r Fframwaith Galluoedd yn dangos sut a pha olwg sydd ar y sgiliau a’r ymddygiadau hyn ar waith. Mae cael fframwaith yn galluogi arweinwyr i fyfyrio ac asesu’u sgiliau presennol. Mae’n rhoi’r grym iddynt amlygu bylchau mewn arweinyddiaeth a chynllunio’u datblygiad personol a phroffesiynol eu hunain.