New Manager Cymru Cymraeg

New Manager Cymru

3 Tachwedd 2021 - 1 Ebrill 2022

Rhaglen bedwar mis sy’n datblygu sgiliau a thechnegau allweddol i lwyddo a thyfu mewn rôl, a fydd yn ysbrydoli rheolwyr newydd sydd wedi eu cyffroi gyda’r posibiliadau o sbarduno newid cguidymdeithasol ac sydd â dyhead i fod yn arweinwyr yn y dyfodol.

Cais wedi cau

Cais wedi cau Cofrestru ar gyfer diweddariadau

Cymhwysedd
Canlyniadau
Gwybodaeth am wneud cais
Elfennau'r rhaglen
Ein dulliau
Dyddiadau allweddol
Cwestiynau cyffredin
Cyfres Arweinwyr Cymdeithasol Cymru
ENGLISH

Gwybodaeth am y rhaglen

Rheolwyr newydd yw dyfodol hirdymor ein sectorau. Fodd bynnag, mae amgylchedd gweithredu heriol a chyfnewidiol yn golygu nad ydyn nhw’n aml yn derbyn y cymorth a’r datblygiad yn y cyfnod cynnar y gallen nhw elwa arno. Yn aml, mae gan reolwyr gysylltiadau pwysig, maen nhw’n rheoli timau a chyllidebau ac yn gweithio’n agos gyda buddiolwyr.

Bydd carfan o 35 o reolwyr yn cael eu hyfforddi mewn sgiliau rheoli effeithiol ac yn cael eu cyflwyno i elfennau sylfaen arweinyddiaeth gymdeithasol. Byddan nhw’n cael eu herio i ddatblygu atebion i rai o’r heriau sy’n wynebu’r sectorau cymdeithasol a diwylliannol yng Nghymru.

Am ragor o wybodaeth, gwyliwch ein Gweminar Holi ac Ateb.

Gwyliwch y Gweminar

Manylion y Cwrs

Yn Saesneg, Gymraeg ar gais
Ymrwymiad 8-12 diwrnod
Profiad 0-3 blynedd
Am ddim

Nodweddion y cwrs

Rhaglen 4 mis
Cymuned ar-lein
35 lle
Cynfyfyrwyr Clore Social

Partner & Chyllidwyr

Gwireddu’ch potensial

Dyma gyfle unigryw i ddatblygu’ch hun yn arweinydd cyflawn, sy’n gallu gwireddu ei botensial ac sy’n hyderus i roi newid ystyrlon ar waith mewn cymdeithas.

Er mwyn sicrhau cydweithio effeithiol yn y garfan, dim ond 35 lle sydd wedi’u cyllido! Dydd Llun 6 Medi am 11:59pm yw’r dyddiad cau ar gyfer cais. Bydd ceisiadau cynnar yn cael blaenoriaeth lle bo hynny’n bosibl, felly gwnewch gais nawr neu cofrestrwch eich diddordeb.

Am ragor o wybodaeth, gwyliwch ein Gweminar Holi ac Ateb.

Cais wedi cau Cofrestru ar gyfer diweddariadau Gwyliwch y Gweminar

Meini prawf cymhwysedd

Profiad rheoli 0-3 years blynedd

Mae’r cwrs hwn yn fwyaf addas ar gyfer y rhai sy’n newydd i reoli neu sydd am loywi eu sgiliau. Rheolwyr newydd yw’r rhai sydd â rhwng 0-3 blynedd o brofiad o reoli prosiect neu dîm yn y sectorau elusennol, mentrau cymdeithasol neu ddiwylliannol yng Nghymru. Gallai’r profiad fod yn un rhan amser neu lawn amser gyda neu heb dâl neu’n wirfoddol.

Gweithio at ddiben cymdeithasol

Mae hyn yn cyfeirio at sefydliadau neu waith llawrydd gyda diben cymdeithasol, gan gynnwys elusennau, mentrau cymdeithasol, CICs, adrannau CSR ac ati.

Awyddus i ddatblygu

Rydym yn annog ceisiadau gan fenywod, pobl o gefndiroedd du a lleiafrifoedd ethnig, a’r rhai sy’n gweithio y tu allan i ddinasoedd mawr Cymru.

Angerdd am newid cymdeithasol

Mae ymroddiad i hunanwella fel y gallwch chi sbarduno newid cymdeithasol yn hanfodol i ymgeisydd rhagorol.

Barn ein cyfranogwyr blaenorol

"Roedd hwn yn fuddiol iawn i mi, gan fy mod i yn y sefyllfa hon yn union ar ddechrau fy ngyrfa rheoli."

"Diolch o galon am drefnu’r cwrs hwn, mae wedi bod yn fendith."

"Roedd y rhaglen hon yn ddefnyddiol iawn i mi, gan fy mod yn yr union sefyllfa ar ddechrau fy ngyrfa reoli."

Canlyniadau

Beth yw rheoli? Ddim yn siŵr beth yw’ch rôl newydd? Neu ydych chi am ddeall sut i weithio’n well yn eich tîm? Mae’r cwrs byr hwn yn edrych ar hanfodion rheoli o safbwynt pobl, waeth a ydych chi’n camu o’r newydd i fyd rheoli, neu am loywi’ch sgiliau, mae’r cwrs hwn yn lle da i ddechrau.

Cliciwch ar y botymau isod i ddysgu mwy am ganlyniadau disgwyliedig y cwrs.

Myfyrio ar eich arddull a rheoli'n hyderus

Cyfle i nodi a datblygu’r hyn sy’n cyfateb i reolaeth dda yn y sector cymdeithasol. Magwch hyder yn eich galluoedd rheoli a dysgwch sut i lywio cymhlethdod, ansicrwydd a newid yn hyderus. Dysgwch fwy am eich gwerthoedd eich hun a’ch ‘pam’. Bydd y rhaglen yn eich helpu i fod yn rheolwr sy’n gallu gwireddu ei botensial.

Technegau cyfathrebu uwch

Mae rheoli da yn dechrau gyda chyfathrebu effeithiol. Datblygwch sut rydych yn cyfathrebu â’ch tîm i greu gwell dealltwriaeth a pherthnasoedd. Mae hyn yn cynnwys technegau i reoli sgyrsiau anodd a gwrthdaro, rhoi adborth adeiladol a rheoli perfformiad gwael.

Datblygu effeithlonrwydd, cymhelliant ac ysbryd

Cyfle i ddarganfod y camau ymarferol sydd eu hangen arnoch i greu tîm effeithlon, sy’n cyflawni o’i orau ac yn sicrhau canlyniadau. Mae cymhelliad yn rhan enfawr o reoli - cymell eich hun a’ch tîm. Cyfle i bwyso a mesur ffyrdd o reoli yn effeithiol i fyny’r gadwyn a delio â chyfathrebu mewnol a fydd yn arwain at dîm rhagorol.

Rheoli'ch amser a’ch sylw yn well

Cynlluniwch eich llwyth gwaith er mwyn sicrhau diwrnod effeithlon, a byddwch yn ymwybodol o pryd i ddirprwyo. Mae’r pynciau yn cynnwys cynllunio’r diwrnod, rheoli prosiectau mawr a deall capasiti gwaith eich tîm.

Dysgu prosesau a phrotocolau delfrydol

Rheoli o bell gyda hyder, arwain cyfarfodydd llwyddiannus a gwella’ch sgiliau rheoli prosiect. Adeiladu’ch ymwybyddiaeth o arferion da ym maes cydraddoldeb, amrywiaeth a chynhwysiant. Byddwch hefyd yn dysgu sut i oruchwylio, arfarnu a disgyblu yn broffesiynol ac yn briodol.

Deall eich sefydliad yn well

Bydd trafodaethau a gweithdai yn cael eu seilio ar strwythurau sefydliadol, llywodraethu, deinameg pŵer a diwylliant. Rydym yn eich annog chi a’ch carfan i gymryd camau ymarferol i fod yn well rheolwr ac arweinydd yn yr hirdymor.

Gwybodaeth am wneud cais

Pris y rhaglen

Diolch i haelioni a chymorth caredig y cyllidwyr, gallwn gynnig y rhaglen hon am ddim. Mae hyn yn rhan o’n cyd-ymrwymiad i ddarparu sgiliau hygyrch a hyfforddiant datblygu i bawb. Mae’n gyfle unigryw i gael mynediad at werth miloedd o bunnoedd o hyfforddiant rheoli ac arwain am ddim.

Canllawiau ar wneud cais

Argymhellwn eich bod yn lawrlwytho a darllen y Canllawiau ar wneud Cais (dogfen Word) i gynllunio’ch atebion cyn cwblhau ffurflen gais ar-lein, gan na fydd y ffurflen yn cadw’ch atebion, felly mae’n rhaid i chi ei chwblhau mewn un eisteddiad.

Dyddiadau a’r drefn gwneud cais

Gallwch wneud cais am y rhaglen hon nawr ar ffurflen ar-lein. Noder mai’r dyddiad cau ar gyfer y cais yw 11:59pm ddydd Llun 6 Medi 2021 – bachwch ar y cyfle nawr!

Gorau po gyntaf y byddwch yn gwneud cais. Bydd pob cais yn mynd drwy broses safoni rhwng 7 a 14 Medi 2021 er mwyn asesu addasrwydd, ystyried cyfanswm y ceisiadau a ddaeth i law a capasiti’r rhaglen. Bydd ymgeiswyr yn cael gwybod canlyniad eu cais erbyn 14 Medi 2021. Bydd manylion llaw elfennau’r rhaglen yn cael eu darparu i ymgeiswyr llwyddiannus er mwyn iddyn nhw allu dechrau cynllunio.

Cais wedi cau Llyfryn i'ch sefydliad (yn dod yn fuan!) Cysylltwch â ni

Elfennau’r rhaglen

Bydd y rhaglen yn cynnig mynediad at ymyriadau datblygu rheolaeth ac arweinyddiaeth sydd wedi’u cynllunio i helpu cyfranogwyr i feithrin y sgiliau, y wybodaeth a’r rhwydweithiau sydd eu hangen i reoli timau a dechrau arwain newid cymdeithasol yn effeithiol.

Cliciwch ar y botymau isod i ddysgu mwy am bob elfen.

Gweminarau rhyngweithiol

Yn cynnwys hwyluswyr a hyfforddwyr arbenigol Clore Social Leadership a fydd yn cyflwyno sesiynau allweddol. Mae sesiynau hyfforddi ar ffurf gweminarau yn gyfle gwych i chi gael profiad trochi, a thrafod cynnwys allweddol yn dreiddgar. Bydd yn gyfle hefyd i feithrin y cysylltiadau rhwng cyfranogwyr. Bydd y sesiynau yn cynnwys ymarferion, cyflwyniadau, grwpiau llai a gweithgareddau eraill wedi’u seilio ar anghenion y grŵp.

Modiwlau ar-lein

Gall y rhaglen newid yn dibynnu ar yr anghenion a’r sgiliau a nodir. Fodd bynnag, mae modiwlau craidd yn debygol o gynnwys pynciau ar reoli hyfforddiant ynghyd â themâu sy’n ymwneud â Fframwaith Galluoedd Cymdeithasol y Clore Social Leadership (isod).

Deunydd darllen a argymhellir

Dysgwch o brofiad eraill. Bydd ein harbenigwyr yn darparu deunydd darllen buddiol i chi ac ymchwil i wersi allweddol, heriau a chyngor i gyd-fynd â’r dysgu ar y rhaglen, a thu hwnt!

Ymrwymo a Rhannu

Bydd cyfranogwyr yn rhoi’r syniadau, prosesau a thechnegau a drafodir yn y sesiynau ar waith, ac yna’n adrodd yn ôl i’w grŵp er budd addysg pawb.

Sgyrsiau gyda'r hwyluswyr

Fe'ch tywysir trwy gydol y rhaglen gan hwyluswyr arbenigol Clore Social Leadership.

Sbarduno Newid gyda Chymuned ar-lein

Mae’r rhaglen yn cael ei llywio’n bennaf gan y cyfranogwyr, a’r newid maen nhw am ei greu yn eu sefydliad. Rydym am eich grymuso i fod yn arweinydd cryf, empathetig.

Ein dulliau

Bydd y rhaglen yn eich cyflwyno i sylfeini datblygu arweinyddiaeth. Dysgwch fwy am ein Model Datblygu Arweinyddiaeth a'n Fframwaith Galluoedd Cymdeithasol isod.

Fframwaith Galluoedd Arweinyddiaeth Gymdeithasol

Mae bod yn arweinydd cymdeithasol a moesegol yn galw am alluoedd penodol. Mae’r Fframwaith Galluoedd Arweinyddiaeth Gymdeithasol yn amlinellu’r priodweddau, yr ymddygiadau a’r sgiliau y mae eu hangen ar gyfer arweinyddiaeth lwyddiannus yn y sector cymdeithasol. Mae’r Fframwaith Galluoedd yn dangos sut a pha olwg sydd ar y sgiliau a’r ymddygiadau hyn ar waith. Mae cael fframwaith yn galluogi arweinwyr i fyfyrio ac asesu’u sgiliau presennol. Mae’n rhoi’r grym iddynt amlygu bylchau mewn arweinyddiaeth a chynllunio’u datblygiad personol a phroffesiynol eu hunain.